Organisme de formation agréé par arrêté ministériel du 10.08.2016

FAQ

1. Ennerscheed Psycholog / Psychiater / Psychotherapeut

2. Een Job als Psycholog / Psychotherapeut fannen

3. Psycho studéieren

 

1. Ënnerscheed Psycholog / Psychiater / Psychotherapeut

F: Wat ass den Ënnerscheed tëschent Psycholog a Psychiater?

Ä: Klinesch Psychologen a Psychiater schaffen allen zwee um Gebitt vun der psychescher Gesondheet a sinn am Studium vun de psychesche Stéierunge spezialiséiert (i.e. psychotesch, neurotesch, Perséinlechkeets- an Substanzbedéngte Stéierungen). Allerdéngs, während e Psychiater een an der Diagnos an der medizinescher Behandlung (d.h. psychopharmakoloesch/elektro-convulsiv) vu psychesche Krankheete spezialiséierte Mediziner ass, huet de Psycholog keen Diplom oder keng Approbatioun an der Medezin a kann dohier keng Medikamenter oder medezinesch Akte verschreiwen. Klinesch Psychologe féiere psychodiagnostesch Tester duerch a kënne Berodung a Psychotherapie ubidden. Ausserdeem kënne klinesch Psychologe Programmer zur Verhalensverännerung opsetzen an duerchféieren, déi op d’Präventioun oder Réckfallprophylax vu psychesche Stéierungen ausgeriicht sinn oder sech un der Rehabilitatioun oder der sozialer Insertioun vu Patienten orientéieren. Et gëtt eng beträchtlech Unzuel vu wëssenschaftlechen Noweiser, dass psychologesch a psychopharmakologesch Therapien als alternativ/komplementär Behandlungsmethoden, déi a ville Fäll kombinéiert sollte ginn, fir d’Behandlung vun psychesche Stéierungen z’optimiséieren, ze verstoe sinn.

D’Fach vun der Psychologie huet méi e breed gefächert Uwendungsfeld wéi dat medezinescht Deelfeld vun der Psychiatrie an net all psychotherapeutesch Agrëffer sinn op d’Behandlung vu psychesche Stéierungen ausgeriicht, vu dass Psychologen och am Beräich vun der kierperlecher Gesondheet oder der Sozialaarbecht zum Asaz kommen. Sou applizéieren zum Beispill Gesondtheetspsychologe Methoden am Kontext vun der Fërderung an dem Erhale vun der ëffentlecher Gesondheet an der Gestioun vu kierperlecher Krankheet. Ehe-, Koppel- an Familljentherapie, déi ausgeluecht sinn, fir interpersonell Fuktiounen ze verbesseren, sinn e weidert Beispill vun Déngschtleeschtungen, déi vu spezialiséierte Psychologen ausserhalb vum klinesche Setting iwwerholl ginn.

F: Wee bitt psychotherapeutesch Servicer un?

Ä. E Psychotherapeut ass gemengerhand e Medeziner oder Psycholog, deen eng erweidert fachlech Ausbildung an Psychotherapie (i.e. Kognitiv-behavioral, psychodynamesch a systemesch Therapie), zur Behandlung vu psycheschen an (psycho-)somatesche Stéierunge gemeet huet.

N.B. Eng Ausbildung an der Psychotherapie ass KEEN integrale Bestanddeel vun de Léierpläng an der Medezin oder Psychologie, mee setzt fir déi zwee Beruffer eng Ausbildung (mat superviséierter Praxis) nom Studium a spezialiséierten Ausbildungsinstitutioune viraus (i.e. weiderféierend Ausbildung a psychotherapeutesche Methoden) oder un Universitéiten (i.e. weiderféierende Studium an Psychotherapie). Säit dem 24ten Juli 2015 gëtt et zu Lëtzebuerg e gesetzleche Kader, wat heescht, dass déi grondleeënd Qualifikatioun vu Psychotherapeuten iwwert e Gesetz geregelt sinn an et sou enger steigender Zuel vu selbsternannten “Psychotherapeuten” ouni adequat medizinesch/psychologesch Kenntnisser an Psychopathologie (inklusiv Psychodiagnostik) et onméiglech mécht, hir Servicer weider unzebidden.

Dofir géinge mir deene Leit, déi op der Sich no psychologescher oder psychotherapeutescher Hëllef oder Ënnerstëtzung sinn, uroden, den SLP Annuaire des Psychologues et des Psychothérapeutes ze konsultéieren.

 

 Een Job als Psycholog fannen

F: Wéi eng Beruffer stinn de Psychologieabsolventen op?

Ä: Psychologie (i.e. de wëssenschaftleche Studium vun der mënschlecher Psyche/Verhalen an senge Funktiounen) ass eng héich diversifizéiert Disziplin, déi e breede Spektrum vu Felder ofdeckt an déi deemno eng apper Zuel vu Spezialisatiouns- a Beruffsméiglechkeete bitt. Haaptberäicher vun Spezialisatiounen (master-equivalent Studien an der ugewannter Psychologie) ëmfaasse klinesch (Neuro-)Psychologie a psychologesch Berodungs, Schoul/pädagogesch an ugewannten Entwécklungspsychologie (inklusiv Gerontopsychologie), wéi och Aarbechts- an Organisatiounspsychologie. Verkéiers- a Fluchpsychologie, forensesch Psychologie, Arméis- a Policepsychologie souwéi Sportpsychologie si weider, wann och manner heefeg Spezialisatiounsfelder. Weider Informatiounen zum Thema Beruffsfelder an der Psychologie fannt Dir an der Brochure vum Cedies zum Studium vun der Psychologie an der Psychotherapie  psychologue-2016

F: Wéi kann ech eng Plaz als Psycholog fannen?

F: Wat sinn d’Viraussetzungen fir eng Tätegkeet als Psycholog am öffentlechen Déngscht?

F: Wat sinn d’Viraussetzungen fir eng Tätegkeet als Psycholog am privaten Secteur?

F: Wat sinn d’Viraussetzunge fir als  Psycholog “en libéral” ze schaffen?

Ä: Äntwerten op des 4 Froen sinn SLP Memberen virbehalen.

Eng Memberschaft an der SLP ass an all dësen Situatiounen eng Plus-Value (duerch déi zousätzlech Attestatioun vun den Diplomer duerch d’SLP & de Respekt vum Ethik Code).

Als aktiven SLP Member kënn Dir zousätzlech an eisem  SLP Annuaire des Psychologues et des Psychothérapeutes Äre Profil annoncéieren a Publicitéit fir Är Déngschtleeschtung maachen.

F: Gëtt et bei der SLP selwer d’Méiglechkeet, eng Plaz oder e Stage ze fannen?

Ä: Nee. D’SLP ass eng ASBL déi d’Beruffsinteressë vu Psychologe vertrëtt. Si funktionnéiert iwwer Bénévolat. D’SLP stellt keng Professioneller an bitt selwer och keng psychologesch Déngschter un.

Psycho studéieren

 Besicht am bëschten eis Partnerorganisatioun d’ALEP  (och fir Studente Stageplatzen).  

Hei d’Brochure vum Cedies zum Studium vun der Psychologie an der Psychotherapie  psychologue-2016  . Weider infoen beim CEDIES

Copyright © SLP - project by Addedsense - photo credits